Bible Reflection

Ang ebanghelyo sumala ni San Juan

"Mao kini ang akong sugo, nga kinahanglan maghigugmaay kamo ang usa sa usa sama sa akong paghigugma kaninyo. Walay bisan kinsa nga may gugma nga labaw pa niini, nga ang usa ka tawo magahalad sa iyang kinabuhi sa pagpakamatay alang sa iyang mga higala. Kamo mga higala nako kon magatuman kamo sa akong isugo kaninyo. Dili ko na kamo nganlan nga mga ulipon, kay ang ulipon dili masayud sa ginabuhat sa iyang agalon. Apan ginganlan ko kamo nga mga higala, kay ang tanan nga nadungog ko gikan sa akong Amahan, kini gipahibalo ko man kaninyo. Kamo wala magpili kanako, hinonoa ako mao ang nagpili kaninyo ug nagtudlo kaninyo aron managpanglakaw kamo ug managpamunga, ug magalungtad ang inyong bunga; aron nga pinaagi sa akong ngalan igahatag kaninyo sa Amahan ang bisan unsang butang nga inyong pangayoon kaniya.
Ang akong sugo kaninyo mao kini, nga kinahanglan maghigugmaay kamo ang usa sa usa. Ang Ebanghelyo alang sa atong kaluwasan

"Maghigugmaay kitang tanan" mao kini ang balaud nga gitudlo ni Kristo. Ang pangutanan, nakatuman ba ta niini? Kini nga sugo gikonsiderar nga pinakalisud nga sugo, Nganu man? tungod sa atong garbo. Mao kini ang ang nakatabon sa atong kasing kasing aron dili kita mubati ug gugma sa atong isigkatawo. Usa ka ejemplo niana kining sa Politika. Bisan ug humana ang eleksyon, wala gihapoy tagdanay kay lage kuntra partido. Sigi ug linabayay ug lapuk, pinahiray ug baho ug ang pinakagrabe magpinatyanay pa.
Asa man ang gugma? nawala kay nabutahan man sa kaugalingong interest, nabutahan man sa garbo. Mga kaigsuonan ko diha sa ni kristo, nagpahinumdum kanato karon ang Ginoo sa paghigugma. Hinaut nga makahinumdum kita ug mutamud kaniya. Dili unta kita magpadala sa kalibutanong butang, sa haylo sa yawa, ug sa gahum sa kwarta, atong papuy-on si kristo sa atong kasing-kasing aron magpasulabi kanato ang iyang gugma. - RJ Cailing

No comments:

Post a Comment