ORMOC CITY- "maka dismaya gyud" kini maoy giingon ni Rebecca Digor ang principal sa barangay Alta Vista elementary school kay 70 nila ka tinun-an ang nag antos sa classrooms nga way atop.
Busa ang mga bata nigamit nalang og payong aron dunay sagang sa kainit inig ka buntag ug sa posibilidad nga uwan.
Ang 70 ka mga tinun-an naglangkob sa grades 4 ug 5, diin 34 ka tinun-an ang grade 4 ug 36 ang grade 5.
Niadtong petsa 5 sa alas 2:30 sa hapon, sayo nga nag deklarar og class dismissal ang principal.
"Nagtaligsik naman gud, way atop, luoy kaayo intawon tan-awon àng mga bata" sigon ni Degor.
PHOTO: Mga tinun-an sa Grade 5 sa Alta Vista Elementary School. JKDP
Ang tunghaan nakadawat og trapal gikan sa barangay apan nangagusbat na kini tungod sa sigeng init ug uwan ug hantud karon wa pa kini mailisi.
Sumala pa ni Degor, iya nang gipaabot sa Department of Education (DepEd) Division office ang problema.
Si Division Superintendent Mariza Magan niingon nga padayon sila karon nagpaabot sa kapin 90 milyones nga budget gikan sa kaulohan nga ipaayo sa mga tunghaan nga naguba sa bagyo.
Apan misamot ang pagka dismaya sa principal sa dihang gipalanog sa division office nga dili apil ang Alta Vista sa magahinan og budget tungod kay ang kagamhanan pa ang mogasto niini.
Matod ni Degor mga gisusi na sa taga City Engineering Office ang maong tunghaan ug giingong sa summer ayuhon apan hantud karon wa gihapon masugdi.
Si barangay kapitan Myrna Mangle, niingon nga nihalad sila karon og tent ngadto sa maong tunghaan aron temporaryong magamit sa mga tinun-an.
Ang DepEd Regional office 8 nihatag og trapal apan nangita pa ang principal og mo taud.
Niadtong Huwebes, ang tunghaan adunay kinatibuk-ang ihap nga 257 ka mga tinun-an, apan ubos kini kung itandi sa milabayng tuig diin nakatala sila og 280 ka tinun-an.
Bisan niini, mapasalamaton si Degor gumikan kay interisado gihapon mangeskwela ang mga bata ug tagsa ra ang mo absent.
By: John Kevin D. Pilapil/ Power 90.3 FM News Correspondent
No comments:
Post a Comment