DYAJ Power 90.3 FM News Correspondent
ORMOC CITY- Problemado ang system ug kuwang sa trabahante ang cashier's office sa Eastern Visayas State University ning dakbayan hinungdan nga mga studyante nga buot mo bayad sa ilang enrollment.
Ang maong buhatan duna lay tulo ka tigdawat og bayad ug upat ka student assistants nga maoy tig utingkay sa records sa mga tinun-an.
Niadtong Martes sa buntag, halos way pag abante ang linya sa mga tinun-an nga buot mo bayad sa enrollment atubangan sa cashier's office kini tungod sa nahisgutang problema.
Ang ubang mga tinun-an, alas 3 pa sa kadlawonmo adto na sa tunghaan aron makauna lang sa pila hilabi na kadtong toa pa sa layo nagpuyo.
"na sayo pa kaayo ang uban, kadlawon pa lang naa na, mao nga sayo sila nahuman. Kami kay alas 5 pa man pero naa pa gihapon mi sa kaulhian" matod sa tinun-an nga si Jenesa.
Ang tunghaan adunay liboan ka mga tinun-an apan ang in-charge sa cashier's office (wa magpaila) di kabana bana sa mga bumabayad matag adlaw tungod sa kadaghan.
Sagad sa mga tinun-an didto na sa ilang linya nihimo sa pagpangaon og pamahaw aron di sila mahulipan sa pwesto.
Ang uban tinun-an nagdala nalang og payong kay di na makasilong sa tent nga gibutang tungod sa kadaghan.
Aron mahapsay, nihimo pagpanglista ang cashier's office sa mga pangan sa mobayad og nanghatag kini og 50 ka priority numbers apan ang mohawa, hulipan og lain.
Nasayran nga kaniadto pa problema sa maong buhatan ang pag daot-daot sa system sa ilang computer ug hantud karon nagpabilin pa kini nga problema.
Ang mga tinun-an nga naa sa kinaulhian, di pa sigurado kung makabayad ba sila sa una pa ang alas 5 sa hapon nga cut-off time.
Gisuwayan pagbisita sa Power FM Newsteam ang buhatan ni campus director Rolando Musca apan wa kini gumikan kay niadto kini sa lungsod sa Alang-alang.
No comments:
Post a Comment