KANANGA Leyte- Nasikop sa kapulisan ning lungsod ang usa ka 20 anyos nga lalaki nga may standing warrant of arrest sa kasong pagpanglugos sa usa ka menor de edad nga babaye, kapin duha ka tuig na ang nakalabay.
Ang suspek nga si Juniel Arogante, 20, taga Poblacion ning lungsod anaa karon mabalhog sa selda sa Kananga police station kahuman kini masikop sa iyang gitrabahoan didto sa merkado ning lungsod niadtong milabayng adlaw.
Dali nga giadto sa kapulisan ang suspek dala ang standing warrant of arrest nga giluwatan ni Ormoc City Regional Trail Court (RTC) branch 35 presiding judge Apolinario Buaya sa kasong rape batok kang Arogante.
Misuway pag dagan ang suspek apan nakuptan kini ni SPO1 Victor Plaza ug PO3 Alvin Negad.
Sa pakighinabi sa Power FM Newsteam sa suspek, gihimakak niini ang pasangil batok kaniya ug mi alegar kini nga siya ang gilugos sa biktima nga matod pa iyang ig-agaw.
“gi pagbintangan ra ko ba, dili man jud ako nag rape, siya may nang rape nako, gitukmod ko niya sa kwarto unya naghubo siya, mao to nga wa ko niya makuha kay nidagan man ko kay nahadlok ko” matod sa suspek.
Suma pa sa suspek, nga dunay birthday niadtong tungora sa usa nila ka ig agaw ug nang giinom sila didto sa panimalay sa biktima.
Nahubog ang biktima busa nihigda kini sa kwarto nga dilli ra layo sa ilang giimnan samtang siya nag init og tubig para imnon sa biktima ug ibanwas sa sinuka.
Dugang pa nga, sa pagsulod niya sa kwarto gikalit siya’g tukmod sa biktima ug naghubo kini sa sapot apan gipatigbabaw niya ilang pagka ig-agaw busa wa siya mo patol.
“naibog siguro siya nako, kay kadtong mangihi ko iya man kong babag babagan” dugang sa suspek.
Apan ang kapulisan igo lang nikatawa ug niingon nga alegasyon lang kini sa suspek ug atubangon nalang ang kasong gipasaka batok kaniya ngadto sa hukmanan.
By: John Kevin D. Pilapil/Power 90.3 FM News Correspondent
No comments:
Post a Comment