-Ms. Eden Nerza Urbano-
-Mr. Exodus Canoy-
AFP ‘pabaon’ system dunay katugotan gikan sa mga ni-aging administrasyon- Biazon
Nagtuo si kanhi Armed Forces of the Philippines (AFP) chief ug karon Muntinlupa Rep. Rodolfo Biazon nga dili mahitabo ang corruption sa militar kung walay go-signal gkan sa mga ni-aging presidente.
Matod ni Biazon nga gikinahanglan mahibaw-an kung kanus-a nagsugod ang "pabaon" system ug kinsa ang nakabenipisyo niini.
Nahisayran nga dunay 21 ka mga opisyal nahilambigit sa maong corruption. Upat ka AFP chiefs of staff sa panahon ni kanhi presidente Cory Aquino, 3 kang Fidel Ramos’ time, 2 kang ERAP, ug 11kang Arroyo.
Samtang gipanghimakak naman ni Biazon ang mga pasangil nga batok kaniya nga usa siya sa mga nakadawat sa pabaon o send off money sa military.
DepEd kulang og 30,000 ka mga magtutudlo |
Kulang ang Department of Education og 3o ka libo ka mga magtutudlo para sa gibana-banang 2.5 milyon ka mga estudyante nga magpa-enrol sa kindergarten sa pag-abli sa klase sa Hunyo o school year 2011-2012.
Sumala ni Benjie Valbuena, bise presidente sa Alliance of Concerned Teachers (ACT), dili mapun-an sa DepEd kada tuig ang dugay na nga problema sa gamayng suholan nga ginahatag sa gobyerno.
Nahisayran nga P6,000 lamang ang honorarium sa kindergarden teachers kada buwan, nga kasagaran madugay pa pagsweldo, mao nga mangita na lamang og laing trabaho ang mga bag-ong gradwado nga mga magtutudlo.
Nunot niini gihangyo sa ACT nga ihatag ang kaangyang suweldo sa mga magtutudlo sa kindergarden base sa ‘salary standardization scheme’ kung gusto sa gobyerno nga mapun-an ang 30 ka libo ng mga magtutudlo karong pag-abli sa klase.
'OFWs, luwas sa Egypt crisis-Pnoy
Gipaniguro karon ni PNOY nga walay problema sa pondo kung ipatuman unya ang repatriation o pagbalhin sa mas luwas nga lugar ang 6,500 ka mga Pilipinong anaa sa Egypt.
Matud naman ni Department of Foreign Affairs (DFA) Spokesman Ed Malaya, nga daghan ug embahada sa Pilipinas ang duol sa Cairo ang makatabang dayon sama sa Tripoli, Libya; Amman, Jordan ug sa Israel.
Pinoy Patay sa Baha sa Saudi
Usa ka Pinoy ang nahiapil sa 11 ka mga tawo nga namatay sa grabe nga pagbinahaay sa Jeddah, Saudi Arabia; kung diin matud sa Department of Foreign Affairs (DFA) kagahapon, wala pay mga pangalan ang naasoyng mga biktima nga midawit sa duha ka Saudi nationals, usa ka Pinoy, duha ka Canadians, usa ka Egyptian, usa ka Turkish, usa ka Yemeni, usa ka Bangladeshi ug usa ka Nepalese samtang gisusi pa ang nationality sa usa pa ka biktima.
Sa pagkakaron, nakig negosasyon na ang DFA sa Saudi authorities para sa pag-uli unya sa patayng lawas sa biktimang Pinoy.
